Guarda quandu genti chi è vinuta pi tia, nun c’è spingula chi capa minzu la via. E tu cittu duarmi nda’ li svrazza di lu signuri chi di stu momendu na lassatu chiu’ suli. Oh! chi via e vai, na parola e pui n’autra, na laccrima si fa strada minzu li ricuardi che nda’ na ruga l’aviamu mucciata, è st’aria oji cussi’ senza sapuri mi l’aiu nzunnata: picchi oji è na mala iurnata.
C’è neglia e malutiambu, c’è raggia cumu lu viandu, e simu ciandu, duiciandu e triciandu chi stannu chiangiannu picchi’ nun c’è senzu pi ogni cosa chi circamu di ragiunari, alla fini nun ni resta chi la spiranza ca ti si mucciatu nda’ l’autra stanza.
Ti si mucciatu e nun ti vidimu, sindimu sulu lu cori chi batta stranu, batta cussi’ forti chi mi lu tiagnu cu la manu, para ca mi sta isciannu fora, e pregu a Diu di ti lassari stari, chi torna nda’ sta’ terra ti fa turnari.
Chiangiu picchi autru oji nun nsacciu fari, vidimu dumani chi sapuri tena sa chiazza, si tena la forza dilla spiaranza, o nun se’ mbarata nendi: ca cumu a tia si sta mianzu la gendi.
Forsi nda’ sa munnu nun c’è ragiunamendu ca c’è Diu nda’ ogni momendu, ma si Diu esisti allura sugnu chiu’ tranquillu picchi è cu iddu chi si nda’ stu momendu, autru chiu’ nu riasciu a pinzari, ma nda’ lu cori mia ti fazzu stari.