Nda lu cori nuastru.
Vulia sapiri si lu cori tua, vulia sapiri si mi penza a mia.
Picchi ti guardu nda l’uacchi e dintri viiu la vita mia, ma nun sacciu se sulu n’illusioni o daveru mi tiani nda Lu cori.
Vulia sapiri si Lu cori tua mi tena a mia.
Passu chiu tiambu cu li pinziari ca cu la vita mia, troppi domandi si fa Na pirsuna quannu e sulu chi si rispunna, e alla fini nu porta a nendi su pinziaru, lu cori continua a mi fari mali e nun mi duna tregua di nu’ pinzari.
Vulia sapiri si lu cori tua, vulia sapiri si mi penza a mia.
Mo sugnu sittatu a nu spicuni guardannu lu mari, truvannu lu modu giustu pi ti parrari. Lu lassu dittu a su viandu s’amuri mia, cu la spiranza chi ti lu porta a tia.
C’è duluri e spiranza nda si paroli, ma nun ti mannu a diri ca cu mia è da sulu stari, nu vuagliu n’anumuri chi nun nza’ vulari, iu vuagliu n’amuri granni cumu su cialu chi rescia a tenniri sa luna granni, si stiddji e su culuri, e’ cussi’ chi m’immagginu l’amuri.
Vulia sapiri si lu cori tua, vulia sapiri si mi penza a mia.
Chissà chi ste faciannu, si stai ferma o ti stai muviannu, si la namu ti la tena stritta angunu o è sula cumu lu viandu chi nuddju mai è risciutu a lu chiappari, forsi pi chi nuddju l’ha saputu amari.
Iu ci parru ogni momendu cu stu viandu chi pi mia oji è cussi’ friddu, ci dicu chianu e puru gridannu ca la manu tua nda lu cori mia stritta ti la tiagnu.
Vulia sapiri si lu cori tua, vulia sapiri si mi penza a mia.
Mo ti lassu su pinziaru e di culuri tingiu lu suanu di li paroli cussi’ mpressa ad ogni angulu di lu munnu lassa lu signu, e ti truavu nda ogni momendu, pura si auzi la capu versu lu suli picchi’ è di da’ chi vennanu si paroli. Forsi nui simu la cosa chiu’ beddja chi nda’ su munnu se circata, picchi lu sacciu troppu forti ca nda lu cori tua ci sugnu puru iu, e puru si fossi sulu n’illussioni: edda’ chi vuagliu stari, cumu nda lu cori mia è di sembri chi ti lassu stari.
di Giuseppe Elmo