Avennu d’arreri
li muntagni
taliannu versu unni
a striscia orizzonti
veni chiamata
lu mari
na distisa d’acqua
senza fini pari
ca di li fundali
pigghia li culuri.
Cancia ancora
a secunnu
di comu lu suli
a diversi uri da jurnata
‘mpatta l’acqua salata
cu l’onni
che richiamunu
a cavaccata.
Viloci motuscafi
lassunu
na scia janca
scurazzannu
a desra e manca
senza na meta sicura.
Sutt’acqua
pisci d’ogni culuri
s’avvicinunu
senza timuri
abbituati a essiri
‘mpaci lassati.
Fimmini
d’ogni billizza
che l’ità fa cumpariri
da na brizza marina
accarizzati
si movunu
cu l’anchi mulliggiati
scinari beddi da vidiri
lu pinseru
tonna all’istati
ormai juti.
Cuntenti picciriddi
jocunu sguazzannu
nill’acqua trasparenti
i cchiù nichi
da patri cuscinziusi
aiutati
che ponu tempu
cu passiuni didicari.
Lu statu pirsunali
cunciatu com’è
da farisinni na raggiuni
cunfurtatu veni
da cunsidirazzioni
che l’anni passunu
pi tutti
senza eccezzioni.
S.Dugo